李克勤：问咁多做乜?(zt)

李克勤：问咁多做乜?
真系唔好唔信，主场真系踢高一皮！近呢两年，你几时见过德国有咁既气势？踢咗四埸，有三场都系开波无耐就入波，亦从未试过落后，未踢过逆境波，高路斯除咗变身神射手外，竟然可以喺三个瑞典后卫包围下交个靓波比普杜斯基再变成入球，对波兰时阿普生离门几吗都唔入今场就梅开二度。

　　瑞典个四号卢杰真系惨，无端端两黄变一红，如果咁都要比黄牌不如去打网球！基本上拿臣个十二码唔入后已可以完场提早庆祝，难怪郭家明都贴德国攞冠军。正当所有人不论识唔识波OL高官顺嫂阿毛都认为阿根廷会赢墨西哥既时候，阿根廷90分钟内遍遍踢到一无是处，呢场波相信输死唔少上盘客，情况同唔识股票既师奶都话要买股票既时候，股市就会‘冧’既道理一样，点解阿根廷整埸波忽然踢到慢吞吞？点解八十几分钟先换美斯？点解赢唔到波啲球员好似唔系好心急咁？点解到加时又唔系咁，仲即刻入波？

　　98年点解法国赢巴西3：0？问咁多做乜？