李克勤：英瑞和波意料之内(zt)

李克勤：英瑞和波意料之内

　　A、B组一共12埸比赛已全部打完，战果全属意料之内，包括瑞典2：2和英格兰！呢场波开波前两小时我和阿叔在TVB节目内已预测和波机会好大，讲笑咁讲，未踢之前如果同双方教练领队讲：“和波唔使踢制唔制？”，我谂佢哋都会话“制”！

　　英格兰o既目的就系小组首名出线，避开德国(德国何尝唔系)，除咗因为双方实力接近，互相都没有取胜把握外，亦要顺便避埋大有可能以C组首名出线o既阿根廷，只需要赢实力一般o既厄瓜多尔就直入八强，所以见到对瑞典时班球员个个“勒住勒住”，最紧要唔好受伤同攞黄牌。但真系无谂过佢哋o既高空波会输比人，英格兰喎！由我细个睇“英国足球大赛”开始，就已经系长传急攻，个波喺空中多过喺地下，从来只有佢哋用死球角球来“恰”人，今场竟然比瑞典角球战术“恰”番转头，李奥费甸南顶输哂，点知后备入替既苏金宝输得仲惨，你话如果再补多几分钟…都应该无问题，因和波瑞典都收货。

　　瑞典自第一埸打和千里达(都系用番呢个各，个全名讲一百次都记唔到)后，目标只降到入十六强，首名出线固然好，次各亦有所交代，况且对德国都唔系一定输梗，话哂无压力，如果能钉紧波历克同高路斯，德国要赢都唔系咁易。