李克勤：姜系越老越辣！

李克勤：姜系越老越辣！
相比起揭幕战对哥斯达黎加，德国今仗多了精神领袖波历克，照计实力应该有增无减，上场都入到四球，只要今仗改善好后防，全取３分“应该”唔系一件难事。但系，踢波系无“应该”既！

　　上仗踢到识飞，系咁易假身郁一郁身就过到波既舒韦恩史迪加，今场面对波兰想过一次都难，同样o既情况出现在右中场舒尼达身上，有一两次仲搞到几狼狈，有啲出丑feel！前锋高路斯过咗生日就自然唔会再有生日礼物，身为这一代o既德国空中霸王上半场有球波只系面对龙门无人看管都顶唔中，佢拍搞普路斯基仍唔好佢几多，完半埸前离门几码都挞Q，可能奇连士文心谂：“比我宜家落去射都入！”。

　　德国队好似全队除咗波历克之外无人识…应该话无人敢交波咁，每一次进攻都一定要经呢位队长，虽然波生状态还未十足，但准确既长短传又真系令德国既组织比第一埸流畅，可惜攻足90分钟都入唔到波，尾段仲一次攻势中两次楣，正当以为德国由旺变黑之际纽维尔就喺91分钟用入球话比全世界人听，姜都系老既辣！下半埸后段先被换入，两次射门一次中龙一次造成入球，两位踢正选既后生仔系唔系后赛后要同佢讲声：“前辈，你好嘢！”？